तुलसीपुर, ९ माघ ।

तुलसीपुर नगर जेसिज विद्यालय–विद्यालयमा जान थालेको छ । विद्यार्थीहरुलाई जेसिजबारे जानकारी दिनकालागि विद्यालयमा जान थालेको प्रबक्ता पूर्णविक्रम डाँगीले जानकारी दिए । उनका अनुसार शुक्रबार तुलसीपुर ६ गोलौरा स्थित डिभाइन टेम्पल एकाडेमीमा पुगेर विद्यार्थीहरुलाई जेसिजबारे जानकारी गराईएको हो ।

जेसिजका अध्यक्ष नारायण भट्टराईको अध्यक्षतामा कार्यक्रम भएको हो । त्यस अवसरमा सन्दिप भुषालले प्रशिक्षण दिएका हुन् । साथै जेसिजका नवनिर्वाचित पदाधिकारीहरुलाई डिभाइन टेम्पलले वधाई तथा सम्मान ब्यक्त गरेको थियो ।

प्रिन्सीपल भोजराज न्यौपानेले नयाँ कार्यसमितिलाई बधाई दिने प्रगतिको कामना गरेका हुन् । कार्यक्रममा जेसिजको आस्थापाठ कार्यकारिणी उपाध्यक्ष बसन्त भण्डारीले गराएका थिए ।कार्यक्रमको सहजीकरण महासचिब दामोदर न्यौपानेले गरेका थिए ।