तुलसीपुर, ४ वैशाख ।

तुलसीपुर उपमहानगरपालिका वड नं. ६ बरुवागाउँ निवासी रोजिल गिरीले डस्टविन सहयोग गरेका छन् । राप्रपाका युवा नेता समेत रहेका गिरीले तुलसीपुर ९ बेलुवा स्थित विकासपुर टोललाई डस्टविन सहयोग गरेका हुन् । टोललाई स्वच्छ तथा सफा राख्न सहयोग गरिएको उनको भनाई छ ।

उनका अनुसार डस्टविन अति आबश्यक परेकाले सहयोग गरिएको हो । रोजिल गिरी र श्रीयान्स गिरीको संयुक्त पहलमा १० पिस डस्टविन सहयोग गरिएको हो । रोजिल गिरी हिरा डाँगी फाउन्डेशनको सह–कोषाध्यक्ष पनि हुन् ।

उनले आगामी दिनमा पनि यस्ता सहयोगलाई निरन्तरता दिने बताए । त्यस अवसरमा टोल विकास संस्थाका अध्यक्ष प्रविर रोका,समाजसेवी तेजबहादुर योगी, राजेन्द्र कुमार श्रेष्ठ, भुपेश डाँगी, यज्ञबहादुर डाँगी, अशोक बुढालगायतको सहभागिता रहेको थियो ।

समाजकालागि सबैले आफ्नो तर्फबाट सक्दो सहयोग गर्नुपर्ने बताएका छन् ।