दाङ, २९ कात्तिक ।

दाङ क्षेत्र नम्बर ३ प्रदेश सभा झखञका नेकपा उमेदवार विमला वलीले आफुले चुनाव जिते स्वर्गीय सांसद उत्तरकुमार वलीले जनता सामु गरेका बाचा पूरा गर्ने बताईन् । बबई गाउँपालिकामा भएका चुनावी सभालाई सम्बोधन गर्दै उमेदवार वलीले आफ्ना पतिले जनता सामु गरेका बाचा पूरा गर्न नपाउँदै ज्यान गुमाएकाले उत्तरले गर्न बाकी काम आफुले पूरा गर्ने बताईन् ।

‘तपाइईहरू सामु उत्तरजीले धेरै बाचा गर्नुभएको थियोे । ती काम पूरा नगर्दै उहाँको निधन भयो ।’ उनले भनिन्‘उहाँले पूरा गर्न नसकेका विकासका काम म पूरा गर्छु ।’

काँग्रेसले आफुलाई कमजोर पात्रका रूपमा चित्रित गर्न खोजेको भन्दै चुनाव जिते एकल महिलाले पनि काम गर्न सक्छन्, भन्ने उदाहरण बन्ने बताईन् । आफू कुनै कुराले काँग्रेस उमेदवार भन्दा कमजोर नभएको भन्दै नेतृ वलीले पश्चिम दाङको विकास नेकपाले जिते मात्रै हुने बताईन् ।

सभालाई सम्बोधन गर्दै नेकपाका केन्द्रीय सदस्यहरू जगप्रसाद शर्मा अपार,नारायणी शर्मा,दामा शर्माले नेकपाले चुनाव जिते मात्रै विकास सम्भव हुने बताए ।

नेकपाले आज बबई गाउँपालिकाको बगाले,बिजयनेटा,सीतापुर,हंशपुर,रातामाटा,बगरपुर,घट्टेकुलो लगाएतका क्षेत्रमा टोल सभा गरेको छ ।