गोठबाट फर्किने क्रममा बबईले बगाउँदा एक मृत्यु
तुलसीपुर, २० साउन ।
दाङमा बबई नदिले बगाउदा वेपत्ता भएका एक जना पुरुष मृत अवस्थामा फेला परेका छन् । दंगीशरण गाउँपालिका वडा नं.७ निवासी ७२ वर्षीय विष्णुलाल चौधरी फेला परेको इलाका प्रहरी कार्यालयका प्रमुख प्रहरी नायव उपरिक्षक शिव बहादुर सिंहले बताए ।
डिएसपी सिंहका अनुसार मृत चौधरी सोमबार दिउँसो ४ बजेको समयमा गोठालोबाट घर फर्किने क्रममा बबई नदिले बगाएको थियो । उनको शवलाई आज विहान ७ बजेको समयमा बबई नदिको किनारमा मृत अवस्थामा फेला परेको प्रहरीले बताएको छ ।
