दाङमा विभिन्न दुर्घटना हुँदा तीन घाईते
तुलसीपुर, २६ साउन ।
दाङमा विभिन्न सवारी दुर्घटना हुँदा तीन जना घाईते भएका छन् । सोमबार दिउसो साढे तीनबजेतिर तुलसीपुर उपमहानगरपालिका वडा नं. ६ मा रा २ प ५८६९ नम्बरको मोटरसाईकलले ठक्कर दिदा तुलसीपुर ६ अस्वारा निवासी ३२ बर्षीय अवसरा खत्री र उनका २ बर्षीय छोरा प्रदिप खत्री घाईते भएका छन् । उनीहरु दुबैजनाको राप्ती प्रादेशिक अस्पताल तुलसीपुरमा उपचार भइरहेको छ ।
यस्तै सोमबार विहान तुलसीपुर ८ अस्वारा स्थित भमकेबाट तुलसीपुर तर्फ आउँदै गरेको रा २ प ४०३३ नम्बरको मोटरसाईकल विपरित दिशाबाट आउँदै गरेको बा १८ च ७२०३ नम्बरको स्कारपिओ एक आपसमा ठोक्किदा मोटरसाईकल चालक सोही घाईते भएका छन् । प्रहरीका अनुसार सोही ठाउँका २९ बर्षीय टेकबहादुर साहु घाईते भएका हुन् । उनको राप्ती प्रादेशिक अस्पताल तुलसीपुरमा उपचार भइरहेको छ ।
प्रतिक्रिया
सम्बन्धित खवर
ताजा खबर
