एजेन्सीँ वैशाख ९-, अमेरिकी वाणिज्य विभागले चार दक्षिण पूर्वी एशियाली देशहरूबाट आयात हुने सौर्य प्यानलहरूमा ३ हजार ५२१ प्रतिशतसम्मको भन्सार शुल्क लगाउने योजनाको घोषणा गरेको छ ।

एक वर्षअघि शुरू भएको अनुसन्धानपछि यो योजना आएको हो । धेरै प्रमुख सौर्य उपकरण उत्पादकहरूले तत्कालीन राष्ट्रपति जो बाइडेनको प्रशासनलाई आफ्नो अमेरिकी सञ्चालनको सुरक्षा गर्न आग्रह गरेका थिए ।

कम्बोडिया, थाइल्यान्ड, मलेशिया र भियतनामका कम्पनीहरूलाई लक्षित गर्दै चीनबाट अनुदान र अमेरिकी बजारमा अनुचित रूपमा सस्तो उत्पादनहरूको डम्पिङको आरोपको प्रतिक्रिया वाणिज्य विभागले यो कर प्रस्तावित गरेको बीबीसीले जनाएको छ ।

अमेरिकी सरकारी निकाय अन्तर्राष्ट्रिय व्यापार आयोग आउँदो जुनमा नयाँ करहरूको बारेमा अन्तिम निर्णयमा पुग्ने अपेक्षा छ । यी शुल्क कम्पनी र उनीहरूका उत्पादन बनाइएका देशहरूअनुसार फरक–फरक हुन्छन् ।

पछिल्ला वर्षहरूमा, अमेरिकी राष्ट्रपति डोनाल्ड ट्रम्पको पहिलो कार्यकालको शुरुआतदेखि लगाइएको करबाट बच्न धेरै चिनियाँ फर्महरूले दक्षिण पूर्वी एशियामा आफ्नो सञ्चालन स्थानान्तरण गरेका छन् ।