छोराले गरे बाबु र छिमेकीको हत्या
नवलपरासी जेठ २३- नवलपरासी पश्चिममा दुई जनाको हत्या भएको छ । सुनवल नगरपालिका २ औरहियामा छोराले बाबु र अर्का छिमेकीको हत्या गरेका हुन् ।
आज शुक्रबार बिहान ११ बजे ३५ वर्षीय खेमराज थारुले ५० वर्षीय बाबु दयाराम थारु र छिमेकी ७० वर्षीय नाथु धरिकारको हत्या गरेको जिल्ला प्रहरी कार्यालयका सूचना अधिकारी डिएसपी वीरदत्त पन्तले जानकारी दिनुभयो ।
उनीहरु दुबै जनालाई कोदालोले टाउकोमा प्रहार गरेर हत्या गरेका हुन् । उनीहरुको घटनास्थलमै मृत्यु भएको थियो । हत्या गर्ने खेमराजलाई घरबाटै पक्राउ गरिएको डीएसपी पन्तले बताउनुभयो ।
खेमराजले के कति कारणले हत्या गरे भन्ने विषयमा प्रारम्भिक अनुसन्धान भइरहेको जिल्ला प्रहरी कार्यालय नवलपरासीले जनाएको छ ।
प्रतिक्रिया
सम्बन्धित खवर
ताजा खबर
