शान्ति सुरक्षाका साथ कृष्णनगरमा माता दुर्गा भवानीकाे मुर्ति विसर्जन (तस्बिर सहित )

रवि प्रकाश कसौधन ,कपिलवस्तु , असाेज ३०
कपिलवस्तु जिल्लाकाे कृष्णनगर लगायत विभिन्न स्थानमा माता दुर्गा भवानीकाे मुर्ति सुरक्षाकर्मीकाे कडा सुरक्षाका साथ नदि, ताल र पाेखरी मा मुर्ति विसर्जन गरिएकाे छ ।

दुर्गा माता , गणेश भगवान , लक्ष्मी माता , सर्वस्वाती माता र राक्षस लगायतको मुर्ति निर्माण गरेर नाै दिन सम्म धर्मशास्त्र अनुसार पुजापाठ गरि जिल्ला काे धेरै ठाउँमा मुर्ति विसर्जन गरिएको हाे ।
तराई मधेसमा हिन्दु धर्मावलम्बीहरुले दुर्गा माता काे बिशेश पुजापाठ , नाै दिन व्रत बसेर , र पुजापाठ गरेर हिन्दु धर्मावलम्बीहरु काे महान चाड काे रुपमा मनाउने परम्परा पहिले देखि चलि आएकाे पाइन्छ ।
कृष्णनगरमा स्थापना भएको मुर्ति आज बढ्या को पोखरी मा विसर्जन गरिएको छ l
कृष्णनगर नगरपालिका नगर प्रमुख रजत प्रताप शाह, वडाध्यक्ष संजय गुप्ता, वृजेश गुप्ता, सुनिल मोदनवाल लगायत मुर्ति निर्माण समितिका पदाधिकारी, समाजसेवी, बुद्धिजीवी, धार्मिक आस्था राख्ने व्यक्तित्व, पत्रकार, तथा मुर्ति विसर्जनका क्रममा शान्ति सुरक्षा प्रदान गर्ने नेपाल प्रहरी, सशस्त्र प्रहरी लगायत अन्यको उपस्थितमा शान्ति पूर्वक कृष्णनगरमा मुर्ति विसर्जन सम्पन्न भएको छ l
