तुलसीपुर, २९ भदौ ।

घोराही–तुलसीपुर सडकखण्ड अन्तर्गत हापुर खोलाले ब्रोइलर कुखुराका चल्ला बोकेको गाडी बगाएको छ । खोलामा आएको बाढीले सोमबार विहान चितवन बाट आएको ना ४ ख १४४६ नम्बरको गाडीलाई बगाउँदा ब्रोइलरका ब्रोइलरका सातसय कुुखुराका चल्ला बगाएको जिल्ला प्रहरी कार्यालय दाङले बताएको छ ।

जसबाट तीन लाख बराबर क्षति भएको छ ।

जिल्ला प्रहरी कार्यालय दाङका प्रहरी नायब उपरीक्षक सुमित खड्काका अनुसार चालक र सहचालकलाई भने प्रहरीले उद्दार गरेको छ । खोलामा पुल नहुँदा अहिले पनि सवारी साधन आवतजावतमा समस्या भएको छ ।

त्यस्तै आईतबार रातिदेखि परेको लगातारको बर्षाले दाङका दुई घरमा क्षति पु¥याएको छ । घोराही उपमहानगरपालिका वडा नं.१० खैराका दुई घरमा बाढी पस्दा भत्किएको प्रहरीले बताएको छ । मानबिय क्षति नभएपनि अन्नतपात, लत्ताकपडामा भने क्षति पु¥याएको छ ।