तुलसीपुर, १ चैत ।
जिल्ला प्रहरी कार्यालय दाङले जरायोको सिंग सहित एक जनालाई पक्राउ गरेको छ । अबैध रुपमा जरायोको सिंग राखेको भन्ने गोप्य सूचनाको आधारमा गएको प्रहरी टोलीले आईतबार बिहान ८ बजे घोराही उपमहानगरपालिका वडा नं। ४ निवासी २८ बर्षीया सीता चौधरीलाई नियन्त्रणमा लिएको हो । प्रहरीले चौधरीको साथबाट पाँचवटा जरायो जस्तो देखिने ओखेटोपहार बरामद गरेको छ । थप अनुसन्धानको लागि चौधरीलाई जिल्ला बन कार्यालयमा पठाईएको प्रहरी निरिक्षक मोहनाजंग बुढाथापाले जानकारी दिए ।

उनका अनुसार २ फिट ४ ईन्च लम्बाई ३ हाँगा भएको सिंग थान १ थान, २ फिट ६ इन्च लम्बाई ३ हाँगा भएको १ थान, ३२।५ सेन्टिमिटर लम्बाई ३ हाँगा भएको १ थान, ३४ सेन्टिमिटर लम्बाई भएको २ सिंगमा ४ हाँगा भएको १ थान , ४।५ ईन्च लम्बाई २ वटा सिंग एकैमा हाँगा नभएको १ थान गरी जम्मा ५ वटा ओखेटोपहारहरु बरामद गरिएको हो ।