कोहलपुर पुस २७– कोहलपुर नगरपालिका वडा नं. १३ का वडा अध्यक्ष डम्बर खड्काले दलित महिलाको सशक्तिकरणमा स्थानीय सरकारको भूमिका महत्वपूर्ण रहेको बताएका छन् । दलित महिलाको नेतृत्व विकास र सशक्तिकरण सम्बन्धी अभिमुखीकरण कार्यक्रममा बोल्दै उनले यस्तो बताएका हुन् ।
उनले भने, “हामीले दलित महिलाको अधिकार र अवसरलाई सुनिश्चित गर्नका लागि विभिन्न योजनाहरू कार्यान्वयन गर्दै आएका छौँ । यस प्रकारका तालिमहरूले महिला नेतृत्वलाई अझ बलियो बनाउने धारणा राखेका छन् ।
उक्त अवसरमा बोल्दै संगम मिडिया हबका संचालक हेमन्त विकले दलित महिलालाई सशक्त बनाउन सञ्चार र मिडियाको भूमिका अत्यन्तै महत्वपूर्ण रहेको बताएका छन् । “मिडियाले समाजमा सकारात्मक परिवर्तन ल्याउन र महिलाका अधिकारका बारेमा सचेतना फैलाउन महत्वपूर्ण भूमिका निर्वाह गर्ने बताए ।
तालिममा सहभागी कोहलपुर नगरपालिका वडा नं. १३ की महिला सदस्य रुद्र कली विश्वकर्माले महिलाको अधिकार र नेतृत्वको महत्त्वलाई उल्लेख गर्दै “समाजमा नेतृत्वका स्थानमा पुराना धारणाहरू परिवर्तन गर्नु आवश्यक रहेको धारण औँल्याएकी छिन् । महिलालाई मात्र भुक्तानी दिने होइन, तिनीहरूलाई नेतृत्वका स्थानमा पु¥याउनु पर्ने उनको भनाई रहेको छ ।
कार्यक्रमको सहजिकरणका रूपमा रहेकी कान्तिपुर संवाददाता रुपा गहतराजले महिलाको सशक्तिकरणका विषयमा सञ्चार र साक्षरता बढ़ाउनको लागि तालिमको महत्वको बारेमा चर्चा गर्दै “सशक्त महिलाले मात्रै समाजको विकासमा योगदान पुर्याउन सक्ने बताएकी छिन् ।
तालिममा सहभागी दलित महिलाहरूले आफ्नो अनुभव र विचारहरू उक्त तालिममा समावेश गरेका थिए । तालिमले आत्मविश्वास प्रदान गरेको उनिहरूले बताएका छन् । नेतृत्वमा आफूहरूलाई सक्षम महसुस गर्न र आफ्नो समुदायमा परिवर्तन ल्याउन सक्ने विश्वास रहेको भन्दै उनिहरुले हाम्रो अधिकारका बारेमा धेरै कुरा सिक्यौं । यसले हामीलाई हाम्रो आवाज उठाउन र समाजमा समावेशी नेतृत्वको आवश्यकता रहेको बताए ।
तालिमले दलित महिलाहरूको नेतृत्व क्षमतामा वृद्धि गर्ने र उनीहरूको समाजमा योगदान पुर्याउने दृष्टिकोणलाई प्रोत्साहन गरेको छ । आगामी दिनहरूमा यस्ता तालिमहरूको आयोजना गरेर महिलाको सहभागिता र नेतृत्वको क्षेत्रमा थप योगदान पुर्याउने अपेक्षा गरिएको छ ।
उक्त तालिममा स्थानीय महिला प्रतिनिधिहरू, समुदायका विभिन्न सरोकारवालाहरू र महिला अधिकारकर्मीहरूको सहभागिता थियो ।