तुलसीपुर, ३० असोज ।

नेपाल कम्युनिष्ट पार्टी( नेकपा)का केन्द्रीय सदस्य तथा प्रदेश नं. ५ का सचिब जगप्रसाद शर्माले पाँचवटा मेघा प्राजेक्ट तयार गरेर दाङको बिकास गर्न सकिने बताए । नेपाल कम्युनिष्ट पार्टी ( नेकपा) दाङले बिहीबार घोराहीमा आयोजना गरेको शुभकामना आदान–प्रदान तथा चियापान कार्यक्रमलाई सम्बोधन गर्दै उनले यस्तो बताए । उनले समृद्धि र शुसासन, माडी–दाङ डाईभर्सन, एयरपोर्टको स्तोरन्नती, बिश्वविद्यालयको पुर्नसंरचनान र गुणात्मक विकास र राप्ती नदीमा बृहत र उच्च तटबन्ध गर्न सकियो भने पनि दाङलाई समृद्ध बनाउन सकिने बताए ।

अहिले कम्युनिष्ट सरकारले पनि त्यही अनुसार अघि बढेको समेत बताए । साथै उनले मुलुकको विकास र समृद्धिकालागि सबै राजनीतिक दलहरु एक हुनुपर्ने समेत बताए । त्यसो गर्न सकियो भने अरु देशले एकसय बर्षमा गरेको प्रगति नेपालले १०÷१५ बर्षभित्रै गर्न सकिने समेत बताए ।