तुलसीपुर, १९ माघ ।

दाङका पत्रकार गोकर्ण पौडेलमाथि हातपात भएको छ । गोरखापत्र दैनिकका तुलसीपुर सम्वाददाता पौडेलमाथि शनिबार कुटपिट गरिएको हो ।

नेपाल पत्रकार महासंघ दाङका सह–सचिव पौडेलमाथि बबई गाउँपालिकाको रेडियो हापुरे नजिक सोही ठाउँका स्थानीय मोहन भण्डारी र सागर सुनारले कुटपिट गरेको जिल्ला प्रहरी कार्यालय दाङले जनाएको हो ।

रेडियोवाट निस्केर कोठामा जाने क्रममा एक्कासी आएर उनीहरुले पौडेलमाथि कुटपिट गरेका थिए । कुटपिट गर्ने दुबैजनालाई प्रहरीले पक्राउ गरेको जिल्ला प्रहरी कार्यालय दाङक प्रहरी नायब उपरीक्षक सुमित खड्काले बताउनुभयो ।

यसैबीच उक्त घटनाप्रति नेपाल पत्रकार महासंघ दाङ शाखाले घोर निन्दा प्रकट गरेको छ । अध्यक्ष सबिन प्रियासन र सचिब भुपेन्द्र वलीले संयुक्त रुपमा बिज्ञप्ति जारी गर्दै प्रेस तथा अभिव्यक्ति स्वतन्त्रता विपरितका यस्ता घटनाप्रति भ्रत्सना गर्दै आगामी दिनमा यस्ता घटना नदो¥याउनकालागि सम्बन्धित निकायलाई ध्यानाकर्षण समेत गराएका छन् ।

यस्तै प्रेस संगठन दाङले पनि दुःख ब्यक्त गरेको छ । जिल्ला संयोजक प्रकाश चौधरी र सहसंयोजक जेएन सागरले एक बिज्ञप्ति जारी गरि भ्रत्सना गरेका हुन् ।