अटो र मोटरसाइकल ठोक्किदा दुई घाइते
तुलसीपुर, १ साउन ।
दाङमा विहीबार १० बजेतिर अटोमा पछाडीबाट आएको मोटरसाइकल ठोक्किदा दुइजना घाईते भएका छन् । घोराही उपमहानगरपालिका १५ बुद्ध चोक स्थित बाटोको साईडमा रोकि राखेको रा १ ह ३००६ नं आटोमा पछाडिबाट आएको रा ३ प ९०४८ नं को मोटरसाईकल ठोकिन जाँदा मोटरसाईकल चालक घोराही १५ बस्ने ३० बर्षीय युबराज पुन,पछाडी सवार सोही ठाउँका ३२ बर्षीय हुनाराम पुन घाईते भएको प्रहरीले बताएको छ ।
उनीहरु दुबैको राप्ती स्वास्थ्य विज्ञान प्रतिष्ठानमा उपचार भइरहेको छ ।
मोटरसाईकल र अटोलाई प्रहरीले नियन्त्रणमा लिएर अनुसन्धान थालेको छ ।
