तुलसीपुर, ३ साउन ।

नेपाल कम्युनिष्ट पार्टी(नेकपा) निकट अनेरास्ववियूले आयोजना गरेको रक्तदान कार्यक्रममा १६ जनाले रक्तदान गरेका छन् । शनिबार रक्तसञ्चार केन्द्र तुलसीपुरमा १६ जनाले रक्तदान गरेका हुन् ।

अनेरास्ववियूका नेता गोपाल रेग्मीको अध्यक्षता तथा केन्द्रिय अनुशासन आयोगका सदस्य बिरवल खड्काको प्रमुख आतिथ्यमा कार्यक्रम भएको हो ।

सोही अवसरमा सुशील खड्का, विशाल परियार, भीष्म वली, दिनेश रावत, प्रकाश रावत, मनोज वली, अजय खनाल, प्रदिप बस्नेत, नरेश बस्नेत, चित्र बहादुर चौधरी, सन्तोष चौधरी, अवेष डाँगी, जितेन्द्र वली, कुल वली, जनक खनाल र बामदे पौड्याल गरि १६ जनाले रक्तदान गरेका थिए । प्रकाश शर्माले स्वागत मन्तब्य ब्यक्त गरेको कार्यक्रममा विद्यार्थी नेता रबिन्द्र डाँगी , प्रकाश रावत , गोबिन्द केसी, सबिन केसी, डिआर भण्डारीलगायतले मन्तव्य व्यक्त गरेका थिए ।

त्यस अवसरमा बक्ताहरुले कोभिड–१९ को संक्रमण फैलिएको अबस्थमा जिल्लामा रगत अभाब हुन नदिन रक्तदान कार्यक्रम आयोजना गरिएको हो । कार्यक्रमको सहजीकरण अनेरास्ववियूका इन्द्र बहादुर खड्काले गरेका थिए ।

त्यसभन्दा अघि अनेरास्ववियूले नेपालको तुलसीपुर स्थित पार्टी कार्यालय सरसफाई गरेको थियो । अनेरास्ववियूका जिल्ला सहसंयोजक सर्जन परियारको नेतृत्वमा सरसफाई गरिएको थियो । त्यस क्रममा सहकार्य र समन्वयविना कार्यक्रमको आयोजना गरिएको भन्दै विवाद समेत उत्पन्न भएको थियो ।