प्रदेश नं ५ को प्रदेशसभाको बैठक आगामी मङ्गलबार बस्ने
तुलसीपुर, १ असोज ।
प्रदेश नं ५ प्रदेशसभाको बैठक आगामी मङ्गलबार बस्ने भएको छ । प्रदेशसभा सचिवालयका अनुसार छैटौँ अधिवेशनको २५ औँ बैठक यही असोज ६ गते अपराह्न १ बजेका लागि बोलाइएको छ । बैठक तय भएपछि प्रदेशसभाका सबै सदस्यलाई जानकारी गराइएको प्रदेशसभाका सचिव दुर्लभकुमार पुन मगरले जानकारी दिए । कोरोना भाइरस सङ्क्रमण बढ्दै गएपछि प्रदेशसभाको बैठक सूचना टाँसेर स्थगन गरिएको थियो । यसअघि गत साउन १८ गते प्रदेशसभाको छैटौँ अधिवेशनको २४ औँ बैठक बसेको थियो ।
प्रतिक्रिया
सम्बन्धित खवर
ताजा खबर
