तुलसीपुर, २० माघ ।

यस बर्ष दाङको तुलसीपुरमा जिल्ला स्तरीय लखन कप खुल्ला फुटबल प्रतियोगिता हुने भएको छ । यस अघि घोराहीमा हुँदै आएको उक्त प्रतियोगिता यस बर्ष तुलसीपुरमा हुन लागेको तुलसीपुरमा पत्रकार सम्मेलन गरि जानकारी दिईएको हो । नेपाल मगर युवा संघ तुलसीपुर नगर कमिटिको आयोजनामा फागुन २ गतेदेखि प्रतियोगिताको सुरु हुने भएको हो ।

प्रजातान्त्रिक आन्दोलनका पहिलो सहिद लखन थापालाई सम्झिनकालागि फागुन १५ गतेसम्म उक्त प्रतियोगिताको आयोजा गरिएको हो । लखन थापा पहिलो सहिद भएपनि राज्यले पनि उचित सम्मान दिन नसकेको भन्दै उनको सम्मानकालागि खेलकूद प्रतियोगिताको आयोजना गरिएको हो ।

नेपाल मगर संघ तुलसीपुरको व्यबस्थापनमा हुन लागेको उक्त प्रतियोगिताको प्रथम पुरस्कार राशी एकलाख रुपँँैया, द्धितिय पुरस्कार ५० हजार र तृतिय पुरस्कार २० हजार रहेको छ ।

प्रतियोगितामा सहभागि हुन चहाने टिमले माग ३० गतेसम्म नाम दर्ता गराउनु पर्ने नेपाल मगर संघ तुलसीपुरका अध्यक्ष रामकुमार मगरले जानकारी दिए । नाम दर्ता शूल्क पाँचहजार पाँच सय रहेको छ । नेपाल मगर युवा संघ तुलसीपुरका अध्यक्ष घनश्याम पुनको अध्यक्षतामा पत्रकार सम्मेलन भएको हो ।