सन्तोष केसी

तुलसीपुर, ११ पुस ।

दाङको तुलसीपुर उपमहानगरपालिका वडा नं. ७ स्थित प्रावि डाडापातुका विद्यार्थीहरुलाई न्यानो कपडा वितरण गरिएको छ । त्यहाँ अध्ययनरत ६० विद्यार्थीहरुलाई न्यानो कपडा,सुइटर र फलफुल वितरण गरिएको हो । इन्द्रबहादुर स्मृति छात्रवृत्ति अक्षकोष तथा अम्मर भुमा स्मृति छात्रवृत्ति अक्षकोषबाट ६० जना विद्यार्थीहरुलाई न्यानो कपडा तथा फलफुल वितरण गरिएको हो ।

विद्यालय व्यवस्थापन समितिका अध्यक्ष चन्द्रलाल चौधरीको अध्यक्षता तथा तुलसीपुर उपमहानगरपालिका वडा नंं ७ का अध्यक्ष टोपबहादुर केसीको प्रमुख आतिथ्य एवं समाजसेवी डिल्लीबहादुर केसीको विशिष्ट आतिथ्यतामा भएको कार्यक्रममा इन्द्रबहादुर स्मृति छात्रवित्तकोषका संस्थापक लक्ष्मण केसी, विद्यालयका प्रधानाध्यायक नन्दराज भट्टराई, समाजसेवी दिपकजंग केसीलगायतले मन्तब्य ब्यक्त गरेका थिए । कार्यक्रमको सहजिकरण विद्यालयका शिक्षक हुमबहादुर केसीले गरेका थिए ।