तुलसीपुर, १८ फागुन ।

दाङको तुलसीपुर उपमहानगरपालिका वडा नं. ९ स्थित जीवनप्रेमी एजुकेयर एकेडेमीले पुरस्कार वितरण तथा विदाई गरेको छ । शुक्रबार विद्यालयमा एक कार्यक्रम गरि कक्षा १० का विद्यार्थीलाई विदाई तथा खेलसप्ताहमा बिजेता, अनुसासनलगायतको पुरस्कार पनि वितरण गरिएको हो । एकेडेमीका सल्लाहकार जनकराज ओलीको अध्यक्षता तथा तुलसीपुर उपमहानगरपालिका वडा नं. ९ का अध्यक्ष घनश्याम ढकालको प्रमुख आतिथ्यमा कार्यक्रम भएको हो ।

त्यस अवसरमा प्रुमख अतिथि ढकालले जीवनप्रेमी स्कुल सञ्चालनमा आएपछि त्यस क्षेत्रका नागरिकले सहज शिक्षा पाएको बताए । त्यस अवसरमा तुलसीपुर उद्योग बाणिज्य संघका महासचिब रुपबहादुर खत्री, अस्थायी प्रहरी पोष्ट कार्यालय बेलुवाका प्रमुख प्रदीप खड्का, प्रिन्सीपल जगननाथ अधिकारी, भिमबहादुर ओलीलगायतले मन्तब्य ब्यक्त गरेका थिए । एकेडेमीका सहायक प्रिन्सीपल मोतिराम भुषालले स्वागत मन्तब्य ब्यक्त गरेको कार्यक्रमको सहजीकरण विद्यालयका निर्देशक बसन्त शाही ठकुरीले गरेका थिए । संस्थापक तुलसा कुमारी पुन, श्रीमाया पुन, गीरा पुनको पनि कार्यक्रममा सहभागिता रहेको थियो ।